NATO zhvillon stërvitjen më të madhe në dekada, ministria e Jashtme e Rusisë: Provokim! Mund të ketë incidente!

Planet e NATO-s për të mbajtur stërvitjen ushtarake Defender 2024 pranë kufijve rusë janë provokuese, rrisin rrezikun e incidenteve ushtarake dhe mund të çojnë në pasoja tragjike për Evropën, paralajmëroi zëdhënësja e Ministrisë së Jashtme ruse, Maria Zakharova.

“Këto praktika janë haptazi provokuese. Për disa muaj, një grup prej 90,000 trupash nga 31 vende anëtare të NATO-s, si dhe Suedia, do të veprojnë aktivisht pranë kufijve rusë. Ky hap synon qëllimisht të përshkallëzojë situatat. Kjo rrit rrezikun e incidenteve ushtarake dhe në fund mund të çojë në pasoja tragjike për Evropën,” tha ajo.

Megjithatë ajo theksoi se pala ruse “nuk ka plane për të sulmuar vendet e NATO-s”.

Sipas zëdhënëses së Ministrisë së Jashtme ruse, NATO nuk e fsheh faktin se gjatë stërvitjeve do të praktikohen “praktikat për të zmbrapsur kërcënimin rus”.

/a.d