Kanada, gjashtë të vdekur nga rrëzimi i një avioni të vogël në veri të vendit

Gjashtë persona vdiqën të martën në një zonë të largët të Kanadasë veriore kur një aeroplan i vogël që transportonte punonjës të një kompanie diamantesh u rrëzua, i tha AFP një burim i afërt me hetimin e përplasjes.

Kompania gjigante anglo-australiane e minierave Rio Tinto tha se një aeroplan që ishte nisur për në minierën e diamanteve Diavik me “anëtarë të stafit” u rrëzua, duke rezultuar në “disa” të vdekur.

Kontakti me aeroplanin charter të Northwestern Air humbi nga radarët pak pasi u ngrit rreth orës 08:50 (me orën lokale; 17:50 me orën greke) pranë Fort Smith, në veriperëndim të Kanadasë, sipas qendrës së koordinimit të operacioneve të kërkim-shpëtimit të zonës.

Shtatë persona ishin në bord, njëri prej të cilëve mbijetoi, sipas burimit të AFP. Gjendja e tij është e paqartë në këtë fazë.

Ekipet e shpëtimit u detyruan të shkonin në vendin e rrëzimit me makinë dëbore pasi u hodhën nga helikopterët, rreth 1.1 km nga pista.

Fluturimet për në qytetin e vogël të Fort Smith janë anuluar. Shefi i Rio Tinto, Jacob Stausholm tha se kompania ishte “shkatërruar” nga lajmet.