“Puma” i jep fund sponsorizimit të ekipit kombëtar të futbollit izraelit dhe serb

Marka sportive “Puma” do t’i japë fund sponsorizimit të ekipit kombëtar të futbollit të Izraelit, rapotojnë mediat ndërkombëtare.

Vendimi i kompanisë për të mos rinovuar kontratën me Federatën e Futbollit të Izraelit është marrë një vit më parë, shkruajnë mediat, duke bërë me dije se vendimi nuk lidhet me situatën e krijuar në Lindjen e Mesme.

Kompania thuhet gjithashtu se do të ndërpresë punën e saj me ekipet e tjera kombëtare si Serbia.

Disa aktivistë pro-palestinezë kanë akuzuar markën për mbështetjen e vendbanimeve izraelite në Bregun Perëndimor, gjë që Puma e mohon. Vitet e fundit, aktivistët kanë organizuar protesta jashtë dyqaneve të kësaj kompanie. Thirrja për bojkot të produkteve të markës është intensifikuar që nga fillimi i luftës më 7 tetor.

/f.s