Aksidenti me tre të miturit në Sarandë/ 14-vjeçari ndërron jetë në spitalin e Traumës

I miturit, Arjol Dervishaj i cili mbeti i plagosur gjatë një aksidenti në datën 22 tetor, ka humbur jetën.

14-vjeçari ka ndërruar jetë në spitalin e Traumës, aty ku ndodhej i shtruar dhe trajtohej në reanimacion.

I mituri ishte së bashku me dy bashkëmoshatarë të tij kur u përfshi në një aksident të rëndë në qytetin e Sarandës. Makina që njëri prej minorenëve ja kishte marrë babait, doli nga rruga dhe ra në përrua.

Arjol Dervishaj i cili ishte pasagjer në automjetin e përplasur, ishte më i dëmtuari rëndë në kokë.

/a.r