Video/ Leverkusen rimerr kreun e Bundesligës: Xabi Alonso kalon 2-1 Freiburg

Bayer Leverkusen nuk ndalet më: 2-1 kundër Freiburgut dhe rikthehet në krye të Bundesligës. Një pjesë e parë e dominimit absolut nga skuadra e teknikut Xabi Alonso. Bayer menaxhoi zotërimin e topit në mënyrë flagrante (pothuajse 80%). Aspirinat grumbulluan në mënyrë paradoksale shumë pak në krahasim me atë që treguan. Por gjithsesi arritën të fitonin ndeshjen dhe të kalonin Bayern Mynih në renditje. Në minutën e 36′ një gol fantastik i Florian Wirtz, me një gjarpërim në zonë, zhbllokoi ndeshjen.

Në pjesën e dytë gjërat nuk ndryshuan dhe pas disa minutash të besuarit e Xabi Alonso dyfishuan epërsinë. Një tjetër kundërsulm i Wirtz, që shërbeu për Hoffman në hyrje të zonës. Goditja me të djathtën e gjermanit goditi shtyllën, më pas shpinën e portierit Atubolu dhe përfundoi në rrjetë. Pas golit të dytë të pësuar, djemtë e Streich dhanë shenjë jete dhe në minutën e 70′ ngushtuan diferencën. Krosimi i Grifo nga goditja e dënimit, u devijua me kokë nga zëvendësuesi Gulde që bëri 2-1.

Lexo më tej: Video/ Gol e spektakël mes Eintracht e Dortmund: Borussia rikuperon dy herë, por mbetet pas Bayern

Në fund, bardhezinjtë kërkuan golin e barazimit, por kuqezinjtë rezistuan dhe morën tre pikët. Leverkusen fitoi 2-1 dhe u ngjit në kuotën e 25 pikëve, sërish +2 ndaj Bayern Munich. Freiburgu mbetet i mbërthyer në 13 pikë.