Ndahet nga jeta Matthew Perry

Matthew Perry, i njohur për rolin e tij në serialin Friends, ka ndërruar jetë në moshën 54 vjeçare.

Sipas TMZ që foli me organet e zbatimit të ligjit dhe Los Angeles Times, Perry u gjet i vdekur në një xhakuzzi në shtëpinë e tij në Los Angeles, Kaliforni, të shtunën, më 28 tetor.

Një përfaqësues i Departamentit të Policisë së Los Anxhelosit i tha ET, “Oficerët e West L.A. iu përgjigjën një telefonate në orën 16:10 për një hetim të vdeekjes së një mashkulli rreth të 50-tave.”

Perry lindi më 19 gusht 1969 në Plymouth, Massachusetts. Nëna e tij, Suzanne Marie Morrison, është një gazetare dhe ka shërbyer si sekretare shtypi e ish-kryeministrit kanadez Pierre Trudeau, ndërsa babai i tij, John Bennett Perry, është një aktor dhe ish-model amerikan.

Në moshën 15-vjeçare, Perry u transferua në Los Anxhelos për të ndjekur aktrimin dhe pas disa roleve ai u zgjodh të luante  në serialin e 1990 të CBS Sydney ku portretizoi vëllain më të vogël të personazhit të Valerie Bertinelli. Ai gjithashtu bëri paraqitje  në Beverly Hills, 90210 dhe pati një rol kryesor në sitcom ABC Home Free në 1993.

Matthew më pas mori rolin e Chandler Bing në hitin e viteve ’90 të NBC Friends, ku luajtën gjithashtu Jennifer Aniston, Lisa Kudrow, Courteney Cox, Matt LeBlanc dhe David Schwimmer, për 10 sezone. Kreditet e tij të aktrimit përfshijnë gjithashtu shfaqjen e shkurtër televizive të Aaron Sorkin Studio 60 në Sunset Strip, komedinë romantike Fools Rush In me protagoniste Salma Hayek dhe The Whole Nine Yards me Bruce Willis dhe Amanda Peet./