Calciopoli merr fund pas 17 vjetësh: Juventus heq dorë nga ankimimi i fundit kundër Inter për titullin 2006

Pas 17 vitesh mund t’i vendoset fjala fund Calciopoli. Juventus, në fakt, hoqi dorë nga ankimimi në Këshillin e Shtetit kundër FIGC dhe Inter për të rrëzuar vendimin e TAR-it të vitit 2016. Ky vendim u kishte mohuar bardhezinjve kompensimin për “dëmin e padrejtë” të shkaktuar nga vendimi i komisionerit të jashtëzakonshëm të Federatës së Futbollit, Guido Rossi. Atëherë, ai i dorëzoi skuadrës zikaltër titullin e vitit 2006, që mbeti vakant pas vendimeve të sistemit të drejtësisë sportive mbi skandalin e Calciopoli.

Lexo më tej: Moggi në CDA e Juventus, i dhuron Agnelli Usb me file: “Duhet rihapur Calciopoli”

Seanca për apelimin ishte caktuar për mëngjesin e sotëm, por më 13 tetor Juventusi kishte vendosur të tërhiqej nga kërkesën për dëmshpërblim, të nënshkruar nga presidenti Gianluca Ferrero. “Heqja dorë nga ankimimi në mbrojtje dhe përfaqësimi i klubit të futbollit Juventus kundër Federatës së Futbollit dhe spa Inter Milano. Nënshkruar për konfirmim: doktor Gianluca Ferrero, president i Bordit të Drejtorëve dhe përfaqësues ligjor i Juventusit”. Gushtin e kaluar Këshilli i Shtetit mbylli polemikën e Juventus për dhënien e titullit të vitit 2006 te Inter, pas revokimit të titullit nga Juventus, duke hedhur poshtë ankimimin kundër FIGC, Inter dhe CONI (të gjithë të paraqitur në gjykatë).

🚨❗️Calciopoli, dopo 17 anni per la Juventus il caso è chiuso. Elkann rinuncia al ricorso al Consiglio di Stato.

— Matthijs_Pog (@MatthijsPog) October 24, 2023