Zjarr i fuqishëm në fshatrat e Fierit, banorët e Libofshës dhe Bitajt në alarm

Një zjarr u fuqishëm është përhapur në fshatrat Libofshë dhe Bitaj të Fierit, i ndihmuar nga era e fortë që fryn në zonë dhe është përhapur në kodrën që ndan Libofshën dhe Ardenicën.

Disa zjarrfikëse po luftojnë me flakët që kanë përfshirë dhjetëra hektarë me ullishte, ndërkohë që banorët e fshatrave janë ngritur në alarm për shtëpitë dhe pronat.

Në disa banesa është krijuar një perimetër sigurie. Zjarrfikësit po ndihmohen nga banorët për shuarjen e e flakëve, të cilat deri tani nuk duket se po vihen në kontroll.