Irani dërgon dronë, rusët i shpërblejnë duke iu dërguar teknologjinë e fundit që i lejon të hakojë shumë kollaj telefonat

Ndërsa Irani dërgon drone në Rusi, rusët i paguajnë ato duke dërguar një softuer të avancuar të vëzhgimit dixhital. Amerikanët e shohin aleancën ushtarake midis Iranit dhe Rusisë si një kërcënim dhe thellimi i bashkëpunimit ruso-iranian në fushën e kibernetikës ushtarake vetëm sa do të rrisë dyshimin e tyre. Kompania ruse PROTEI Ltd ka filluar furnizimin me softuer të censurës në internet për operatorin iranian të telekomit Ariantel, njoftoi Citizen Lab, një qendër kërkimore e Universitetit të Torontos. PROTEI zakonisht punon për ushtrinë ruse. Wall Street Journal raporton se ka prova që mjetet PROTEI janë pjesë e një sistemi telefoni celular që do t’i lejonte autoritetet të monitorojnë drejtpërdrejt, përgjojnë, ridrejtojnë, bllokojnë ose përgjojnë të gjitha komunikimet celulare të iranianëve. Moska i ka rezistuar prej kohësh ndarjes së teknologjisë me Iranin në të kaluarën, nga frika se Irani do ta rishiste më vonë atë. Që nga fillimi i luftës në Ukrainë, Rusia ka dërguar pajisje komunikimi-mbikqyrjeje, pajisje përgjimi dhe detektorë gënjeshtre në Iran, zbulon WSJ. Irani ka marrë tani një softuer të ri që i lejon të hakojë telefonat dhe rrjetet e disidentëve politikë, sipas burimeve në gazetën amerikane. Kujtojmë gjithashtu se pak muaj më parë  Shtetet e Bashkuara të Amerikës kanë bërë të ditur se marrëdhënia mes Rusisë dhe Iranit ka arritur në partneritet të plotë të mbrojtjes. Rusisë, sipas Këshillit të sigurisë kombëtare të SHBA-së, Irani është duke i ofruar nivel të paprecedentë të përkrahjes ushtarake. SHBA-ja ka parë raportet se dy shtetet janë duke menduar prodhimin e përbashkët të dronëve vdekjeprurës.