Manovra të rrezikshme me automjete nëpër Tiranë, policia ndëshkon me gjobë shoferët

Pas disa denoncimeve për disa drejtues automjetesh që kryejnë manovra të rrezikshme gjatë qarkullimit, Policia Rrugore e Tiranës ka organizuar punën për kapjen e tyre duke intensifikuar kontrollet në të gjitha rrugët e kryeqytetit.

Gjatë kontrolleve të ushtruara, janë konstatuar automjetet e paraqitura në video dhe ndaj drejtuesve të tyre janë vendosur masat administrative 40,000 Lekë të rinj referuar nenit 139, si dhe 10,000 lekë të rinj, referuar nenit 146 të Kodit Rrugor.

Policia Rrugore e Tiranës apelon përmes një njoftimi që drejtuesit e mjeteve të tregojnë kujdes në raport me rregullat e qarkullimit.