Tërmeti në Marok, reagime nga BE: Gati për mbështetje, solidaritet me popullin maroken

Reagime nga Bashkimi Evropian pas tërmetit katastrofik me rreth 300 të vdekur në Marok.

“BE është e gatshme të mbështesë Marokun në këto momente të vështira”, tha presidenti i Këshillit Evropian, Charles Michel, nga G20 në Nju Delhi.

“Mendimet e mia shkojnë për të gjithë ata që janë prekur nga kjo tragjedi dhe për shpëtimtarët e përfshirë në operacionet e kërkimit,” shtoi ai.

Presidentja e Komisionit të BE-së, Ursula von der Leyen shprehu gjithashtu “solidaritet me gjithë zemër me popullin maroken. Mendimet e mia shkojnë për familjet e viktimave, për të plagosurit të cilëve u uroj shërim të shpejtë dhe për përgjigjet e parë që janë duke kryer një punë të admirueshme”.

Kancelari Olaf Scholz gjithashtu i ka shprehur ngushëllime popullit të Marokut nga margjinat e samitit të G20-ës që po marrin pjesë në Indi.

“Ky është një lajm i tmerrshëm nga Maroku. Në këto orë të vështira, mendimet tona janë me viktimat e tërmetit shkatërrues”, shkroi Scholz të shtunën në X, i njohur më parë si Twitter.