PD me “dy koka”/ Koduzi: Demokratët s’pranojnë personat ‘non grata’, kush nuk i qëndron parimeve është i përjashtuar

Anëtari i Këshillit Kombëtar të Partisë Demokratike zyrtare Gazment Koduzi i ftuar në studion e lajmeve në “Ora News” komentoi zhvillimet e fundit brenda kampit opozitar, ku demokratët duken akoma më të përçarë mes tyre. Koduzi theksoi se Partia Demokratike nuk pranon personat non grata dhe se kush nuk i qëndron parimeve të PD është i përjashtuar.

“Në mbledhjen e deputetëve të opozitës ka shumë persona që nuk kanë qenë koherent me qëndrimet e tyre. PD e vendosur të mbrojë vlerat e saj. Të bashkuar ishim në 2021 por nuk kishim mbështetjen e partnerëve ndërkombëtar.

2 vite që po sakrifikojmë, PD nuk pranon personat non grata. Kush nuk i qëndron parimeve të PD, është i përjashtuar “, tha ndër të tjera Koduzi./m.j