Video/ Cardoso ngrihet, motori i Da Rocha e përplas: të dy pilotët humbin jetën në aksidentin tragjik në Brazil

Tragjedi në Brazil gjatë një gare në kampionatin kombëtar Moto 1000 GP në cirkuitin Zilmar Beux në Cascavel, një qytet në shtetin e Parana. Dy pilotë humbën jetën si pasojë e një aksidenti të rëndë të ndodhur, pothuajse në fund të xhiros së parë. Në daljen nga një kthesë, motori i 42-vjeçarit André Verissimo Cardoso rrëshqiti dhe përfundoi në tokë. Piloti u ngrit por u godit me forcë nga një tjetër motor, që mbërriti në atë moment. 38-vjeçari Erico Verissimo da Rocha, nuk arriti të frenonte dot, me Cardoso që kishte mbetur në mesin e pistës.

Lexo më tej: Video/ Tragjedi në Moto3: humb jetën 19 vjeçari që e shtypën kolegët në pistë

Të dy pilotëve iu dha menjëherë ndihma mjekësore, por gjendja e tyre u shfaq shumë e rëndë. Cardoso e Da Rocha humbën jetën menjëherë pasi u shtruan në spital. Pas aksidentit gara u ndërpre, më pas organizatorët vendosën ta anulojnë në shenjë zie.

Acidente grave com 2 mortes durante o Campeonato Brasileiro de Motovelocidade (Moto GP 1000) em Cascavel, no Paraná, neste domingo. Na primeira volta, o piloto André Veríssimo Cardoso, 42 anos, caiu da moto e foi atropelado na pista por Érico Veríssimo da Rocha, 38 anos.🥲 pic.twitter.com/3uiLqP94mJ

— Sérgio Estrella 💎 (@sergioestrela) August 28, 2023