Përfshihet nga flakët “Benz-i” në aksin Kardhiq-Delvinë, dyshimet e para

Mëngjesin e kësaj të shtunë në aksin rrugor “Ura e Kardhiqit – Delvinë”, ka marrë flakë flakë një automjet.

Policia bën me dije se ngjarja ka ndodhur në afërsi të tunelit të Skërficës, ku dyshohet se për shkak të një shkëndije elektrike, ka marrë flakë në lëvizje, automjeti tip “Benz”, me drejtues shtetasin K. B., banues në Sarandë.

Si pasojë ka vetëm dëme materiale. Grupi hetimor vijon punën për përcaktimin e shkakut të rënies së zjarrit.