Viktimat e tragjedisë në Koçan do të varrosen në vend të veçantë, dalin pamjet

Në Koçan të Maqedonisë së Veriut po përgatitet një varrim kolektiv për të vdekurit nga zjarri në një lokal nate. Autoritetet lokale i kanë rekomanduar Bordit të Drejtorëve të Ndërmarrjes Publike “Vodovod” që të marrë vendim për zgjerimin e parcelave te varrezat e qytetit dhe caktimin e një vendi të veçantë për të vdekurit nga zjarri.

Reuters publikoi pamjet e një ekskavatori duke gërmuar varre.

Për vdekjen e 59 personave është mbajtur protestë dje në Koçan.

Protestuesit hodhën vezë në godinën e Komunës duke iu drejtuar kryetarit të komunës: “Vrasës, dilni jashtë”. Në protestë prezent ishine edhe disa nga prindërit e fëmijëve që ishin midis 59 personave që humbën në diskotekën që kaploi zjarri.

Kryetari i Komunës së Koçanit, pas tragjedisë që goditi qytetin ku humbën jetën 59 të rinj, dha dorëheqje të parevokueshme nga posti i tij.

Qeveria në Maqedoni të Veriut ka shpallur shtatë ditë zie. Kryeministri maqedonas, Hristijan Mickoski ka paralajmëruar përgjegjësi penale për të gjithë të përfshirët.