Mister i shitjes së Milinkovic, Al-Hilal e zyrtarizon, Lazio…jo: ja çfarë po ndodh në të vërtetë

Pas 8 vitesh me fanellën e Lazio, Sergej Milinkovic-Savic ka vendosur të largohet nga Roma dhe Italia, duke pranuar ofertën faraonike të arabëve të Al-Hilal. Gati 100 milionë në tre vjet për mesfushorin serb, ndërkohë që një shifër prej diçka më shumë se 40 milionë duhet të hyjë në arkat e Lazio. Të mërkurën, klubi saudit njoftoi blerjen e 27 vjeçarit në rrjetet sociale, kompletuar me një foto të zakonshme dhe dorëzimin e fanellës me numrin 22. Megjithatë, nga Formello, gjithçka është ende e heshtur. Asnjë njoftim për shtyp, asnjë shënim, për të njoftuar transferimin e Milinkovic.

Dështimi për të njoftuar transferimin e Rreshterit nga bardhekaltrit ka nisur të bëjë më shumë se disa tifozë të aludojnë. Ata janë të bindur se ka lindur ndonjë pengesë në finalizimin e negociatave. Arsyeja e kësaj heshtjeje është përkundrazi më e thjeshtë nga sa duket. E presidenti i kryeqytetasve Claudio Lotito e shpjegoi me sinqeritetin e zakonshëm, i intervistuar nga Il Messaggero.

Deals Done ✅#Savić_Hilali ✍🏻💙 pic.twitter.com/jH68iRpUZj

— AlHilal Saudi Club (@Alhilal_EN) July 12, 2023

A RREZIKOHET TRANSFERIMI?

Transferimi i mesfushorit serb te Al-Hilal nuk vihet në dyshim dhe tashmë është ratifikuar. Por Lotito shpjegoi se klubi do ta shpallë transferimin, me një komunikatë për shtyp dhe postimin e pashmangshëm përshëndetës në rrjetet sociale, vetëm pasi të marrë këstin e parë të pagesës: “Nuk i kam marrë ende paratë dhe nuk do të jap transfertën derisa t’i shoh”, deklaroi mjaft qartë pronari bardhekaltër. Një tjetër mënyrë për të konfirmuar shprehjen e tij klasike “paguaj paratë e shih devenë”. Një thënie që e ka shoqëruar në shumë negociata në gati 20 vitet e presidencës së tij.

Lexo më tej: Lotito zbulon arsyet e ndarjes: “Milinkovic më telefonoi duke mu lutur që ta shisja”

Vetëm kur transferta bankare nga klubi saudit të hyjë në arkat bardhekaltër, Lazio do të komunikojë transfertën e suksesshme e do të japë dritën jeshile për transferimin. Një transferim që praktikisht tashmë ka ndodhur, me Milinkoviç që postoi një mesazh emocionues për ish-tifozët e tij në rrjetet sociale.