S’na e merrni dot as vendin, as lojën –

Kryeministri kanadez Justin Trudeau nuk mundi të rezistonte pa hedhur “kunja” ndaj Presidentit Donald Trump pak pasi ekipi kanadez i hokejit në akull mposhti SHBA-të në një finale tepër të luftuar.

“Ju nuk mund ta merrni vendin tonë dhe nuk mund të na mposhtni as në lojë”, shkroi Trudeau në ‘X’.

Fitorja emocionuese e Kanadasë 3-2 në kohën shtesë në finalen e 4 Nations Face Off në Boston u zhvillua mes tensioneve në rritje midis dy fqinjëve.

Jo vetëm që ekziston kërcënimi i një lufte tregtare, por ekzistojnë ende idetë e vazhdueshme të Trump për ta bërë Kanadanë shtetin e 51 të SHBA-së.

Himni kombëtar kanadez u këndua me tekste të ndryshme në shenjë proteste ndaj deklaratave të Trump.

Në çdo ditë të zakonshme, kjo ndeshje do të ishte një ndeshje e rëndësishme për dy vendet fqinje, të cilët kanë qenë prej kohësh rivalë miqësorë në hokejin në akull, por ngjarjet e fundit shtuan më shumë dinamikat.

Presidenti Trump nuk ishte në gjendje të ndiqte lojën, por ai thirri ekipin për t’i uruar atyre fat përballë Kanadasë.

Ai përsëriti gjithashtu dëshirën e tij për të përvetësuar Kanadanë, duke shkruar në një postim të Truth Social përpara ndeshjes: “Shpresoj se vendi një ditë, ndoshta së shpejti, do të bëhet shteti ynë i dashur dhe shumë i rëndësishëm, shteti i 51-të”.