Arrestimi i Veliajt! Kush është deputeti i vetëm që theu heshtjen gjatë mbledhjes së Grupit –

Kryeministri Edi Rama ka mbledhur Grupin Parlamentar të Partisë Socialiste, pas arrestimit të kryebashkiakut Erion Veliaj me urdhër të SPAK.

Sipas burimeve për A2 CNN, bëhet me dije se në mbledhjen e grupit, një pjesë e socialistëve dukeshin sikur sapo u informuan në moment për lajmin dhe thuajse të gjithë heshtën për ngjarjen.

Po ashtu bëhet me dije se i vetmi që ka reaguar nga socialistët për arrestimin e kryebashkiakut të Tiranës, ka qenë Toni Gogu, i cili ka thënë se Veliaj ka qenë dhe mbetet një mik i mirë i tij.

Kujtojmë se Veliaj u arrestua me urdhër të SPAK për 4 akuza dhe ndaj tij u vendos masa e sigurisë ‘arrest me burg’, deri në momentin që ai do të dalë para GJKKO-së për t’u njohur me masën e sigurisë.