Inter – Milan, super spektakël sonte në finalen e Superkupës së Italisë

Milani do të sfidojë Interin në finalen e Superkupës së Italisë të planifikuar për t’u zhvilluar ditën e sotme.

Takimi do të startojë në orën 20:00 në “Kingdom Arena” në Riad të Arabisë Saudite, ku kuqezinjtë dhe zikaltrit do të luajnë një derbi të Milanos me një shije të veçantë.

Këtë herë, ka një trofe në mes, ku si Milani ashtu dhe Interi do të tentojnë ta shtojnë në koleksionin e tyre.

Kujtojmë që në gjysmëfinale, Interi mposhti Atalantën 2 me 0, ndërsa Milani triumfoi me përmbysje 1 me 2 ndaj Juventusit.