Trajnerët e ekipeve kombëtare përzgjedhin 11-shen & trajnerin më të mirë të javës së 19-të –

Kampionati “Abissnet Superiore” uli dje siparin e ndeshjeve për vitin 2024. Për herë të fundit për këtë vit, trajnerët e ekipeve kombëtare kanë bërë përzgjedhjen e formacionit dhe trajnerit më të mirë për javën e 19-të.

Në portë qëndron gardiani i skuadrës së Teutës, Angelo Tafas.

Sakaq, mbrojtja përbëhet nga Bledar Lila (AF Elbasani),Andi Janjeva (FK Partizani), Naser Aliji (Dinamo City) dhe Fabjan Përndreca (FK Bylis).

3 lojtarët e përzgjedhur në mesfushë janë: Isi Manellari (KF Laçi), Kristi Qose (AF Elbasani), Arinaldo Rrapaj (FK Partizani).

Amadou Traore i Laçit qëndron në majën e sulmit, teksa në krahë e shoqërojnë William Cordeiro Melo (KF Laçi) dhe Tiago Nani (Dinamo City).

Trajneri i javës është përzgjedhur Francesco Moreiro i ekipit të Laçit.