FOTO / Buzëqeshje dhe shtrëngime duarsh, betohen 300 deputetët e Parlamentit grek

300 deputetët grekë që siguruan një ulëse nga zgjedhjet e majit janë betuar sot në Parlamentin helen.

Siç raportojnë mediat në vend, ceremonia e betimit u bë në prezencën e Presidentes së vendit, Katerina Sakellaropoulou dhe kryepeshkopit Hieronymos.

Kryeministri Kyriakos Mitsotakis zbriti në sallë dhe foli thuajse më të gjithë deputetët e Demokracisë së Re.

Ndërsa në orën 11.00 në sallë u paraqit humbësi i zgjedhjeve Alexis Tsipras i cili u ul në ulësen e parë, pranë Olga Gerovassilis dhe Sokratis Famellos.

Deputetët e shumicës qeverisëse zënë vendin në dy krahët e djathtë të sallës si dhe në qendër të krahut qendror. PASOK u ul në ndenjëset e para të krahut qendror të sallës.

Deputetët e bënë betimin siç përshkruhet në nenin 59 të Kushtetutës: “Betohem në emër të Trinisë së Shenjtë, të Barabartë dhe të Pandarë, t’i jem besnik Atdheut dhe shtetit demokratik, t’i bindem Kushtetutës dhe ligjeve dhe t’i kryej detyrat e mia me ndërgjegje.”

Ndërsa, rreth 15 nga deputetët e SYRIZA-s zgjodhën që të bënin betimin fetar. Kurse, deputetët myslimanë u betuan në Kuran.

/a.r