“Një tjetër hap i madh në rrugën drejt BE”, Rama: Vendi u bë sot pjesë e sistemit unik europian të pagesave

Kryeministri Edi Rama përmes një njoftimi në rrjetin social X tha se Shqipëria u bë sot pjesë e sistemit unik europian të pagesave.

Pas kësaj, të gjitha dërgesat e parave të shqiptarëve nga Europa në Shqipëri apo anasjelltas nuk do të kenë më kosto financiare duke nisur nga 1 janari i vitit të ardhshëm.

”Një tjetër hap i madh në rrugën drejt Shqipërisë 2030 në Bashkimin Europian. Shqipëria u bë sot pjesë e sistemit unik europian të pagesave, që do të thotë se të gjitha dërgesat e parave të shqiptarëve nga Europa në Shqipëri apo anasjelltas, nuk do të kenë më kosto financiare duke nisur nga 1 janari 2025.

Miliona e miliona EURO të kursyera nga detyrimet mbi dërgesat, falë rritjes së besimit tek Shqipëria dhe afrimit të mëtejshëm të Shqipërisë drejt majës së anëtarësimit në BE”, shkruan Rama.

/a.r

Një tjetër hap i madh në rrugën drejt Shqipërisë 2030 në Bashkimin Europian
Shqipëria u bë sot pjesë e sistemit unik europian të pagesave, që do të thotë se të gjitha dërgesat e parave të shqiptarëve nga Europa në Shqipëri apo anasjelltas, nuk do të kenë më kosto financiare… pic.twitter.com/0bwCuOsNtZ

— Edi Rama (@ediramaal) November 21, 2024