Bardhi i afrohet foltores së Kuvendit, bllokohet nga Garda. I bashkohet Korreshi, Vokshi dhe Sula

Gazment Bardhi gjatë fjalës së deputetes Elda Hoti ka shkuar drejt foltores, duke iu drejtuar me tone të larta kryetares së Kuvendit Elisa Spiropali.

Atij i është bashkuar dhe Saimir Korreshi, Albana Vokshi e Dashnor Sula, ndërsa Garda ka rrethuar foltoren.

Shkak është bërë ndërhyrja e Spiropalit, e cila nuk lejoi Hotin të fliste, me pretendimin se fjalimi i saj nuk ishte për procedurë.

“Keni folur sa herë keni kërkuar, respekti rregulloren”, i është përgjigjur Spiropali, ku më pas u kërkoi deputetëve të largohen nga foltorja, dhe të njëjtën kërkesë ia bëri edhe Gardës.

/a.r