‘Gara e armatimeve’ me SHBA-të, Kina do të zbulojë avionin luftarak J-35A. Aftësitë e ‘bishës’ së qiejve

Forca ajrore e Kinës do të zbulojë zyrtarisht avionin e saj të ri luftarak stealth, J-35A, duke u dhënë vëzhguesve shikimin e parë të një aseti shumë të pritur që shton aftësitë ushtarake të vendit në rritje të shpejtë.

Sipas mediave të huaja, avioni, një imazh i të cilit u publikua gjatë një konference për shtyp të forcave ajrore të martën, do të zbulohet në një shfaqje ajrore në qytetin jugor të Zhuhai javën e ardhshme, thanë zyrtarët.

Zhvillimi i avionit shihet gjerësisht si pjesë e përpjekjes së Pekinit për t’u përputhur me aftësitë luftarake të Shteteve të Bashkuara, pasi vendi po bën hapa për të modernizuar forcat e tij të armatosura dhe të ushtrojë fuqinë e tij ushtarake në Azi.

J-35A është “projektuar kryesisht për operacione luftarake ajrore dhe gjithashtu mund të kryejë sulm ajër-tokë”, sipas një raporti nga një degë e lidhur me ushtrinë kineze.

Nëse avioni vihet në punë, kjo do ta bënte Kinën vendin e dytë pas SHBA-së që ka dy lloje avionësh luftarakë stealth, sipas ekspertëve të cituar nga media shtetërore kineze, shkruan A2 CNN.

Aeroplani luftarak kinez J-20 hyri në shërbim në vitin 2017, thanë zyrtarët në atë kohë.

Avionët stealth janë ata që janë krijuar për t’iu shmangur radarëve dhe monitorimeve të tjera për të kryer misione pa u zbuluar ose përgjuar.

/a.r