Fundoset pas një defekti peshkarexha, shpëtojnë mrekullisht dy peshkatarët në ujërat e Vlorës

Një incident alarmant ndodhi në ujërat e Vlorës, ku dy shtetas u vendosën në rrezik për jetën pasi skafi i tyre i peshkimit u fundos si pasojë e një defekti gjatë lundrimit.

Falë reagimit të shpejtë të Policisë Kufitare, në bashkëpunim me shërbimet e Guardia di Finanza, ata u shpëtuan me sukses.

Sipas informacioneve, shërbimet e Policisë Kufitare morën njoftimin për ndihmë dhe menjëherë u drejtuan në zonën e incidentit. Ekuipazhi i skafit, i cili po kërkonte ndihmë, u gjet në gjendje kritike pasi mjeti i tyre lundrues kishte pësuar një defekt.

Falë ndërhyrjes të shpejtë, dy personat në bord u shpëtuan dhe u transportuan në mjetin lundrues të Guardia di Finanza.

Pas mbërritjes në portin e Vlorës, ata u dërguan në spital për ndihmë mjekësore, ku janë jashtë rrezikut për jetën.