PSG fiksohet me lojtarin e Mallorca-s, parizienët ofrojnë 22 milionë euro

Kang-In Lee është kthyer në një “fiksim” për PSG-në.

Francezët kanë nisur prej javësh kontaktet me lojtarin koreano-jugor dhe mediet franceze kanë raportuar se palët janë dakordsuar, por tani mbetet përgjigjia e Mallorca-s.

Siç bëhet me dije, klubi spanjoll është tunduar nga oferta e fundit, e cila është 22 milionë euro dhe gjatë javës së ardhshme pritet edhe konkretizimi i transferimit.

22-vjeçari ishte pjesë Valencias deri në verën e vitit 2021, ndërsa mbylli sezonin e dytë me Mallorca-n./ SuperSport