Zyrtare: Claudio Bravo pensionohet nga futbolli

Portieri historik kilian Claudio Bravo njoftoi të hënën pensionimin e tij nga futbolli profesionist.

Portieri ka postuar një video në rrjetet e tij sociale ku ka bërë të ditur lajmin, shkruan Sport.

“Do të doja t’ju them se do të largohem nga futbolli profesionist.

“Mendoj se kam marrë një vendim të mirë, të mirëmenduar, një vendim që u diskutua në nivel familjar. Mendoj se është koha për të mbyllur një cikël shumë të rëndësishëm në jetën time,” shton ai.

Edhe Bravo ka shfrytëzuar rastin të shprehë mirënjohjen e tij.

“Së pari, faleminderit të gjitha klubeve që më kanë dhënë mundësinë të rritem, të zhvillohem në çdo fushë, si personalisht ashtu edhe profesionalisht. Do të doja të falënderoja Colo Colo, Real Sociedad, Barcelona, ​​Manchester City, Real Betis”.

“Dëshiroj të falënderoj të gjithë shokët e skuadrës që kam pasur gjatë karrierës sime, të gjithë trajnerët, të gjithë drejtorët, të gjithë stafin që kanë mundur të më ndihmojnë, veçanërisht në momentet më pak ideale të futbollit dhe në momentet e adaptimit.”

“Dëshiroj gjithashtu të falënderoj të gjithë fansat në mbarë botën që më kanë mbështetur, duke më treguar dashuri, respekt dhe admirim. Do të doja të falënderoja gjithashtu forcën shtytëse të karrierës sime, prindërit e mi, vëllezërit e mi, gruan time Carla dhe katër fëmijët e mi.”

Së fundi, Claudio Bravo kishte fjalë për kombëtaren: “Si një ish-futbollist profesionist, është një krenari e madhe për mua. Ka qenë gjëja më e mrekullueshme që kam mundur të bëj në këtë karrierë. Duke luajtur në Kupat e Botës, Copa Américas, duke fituar dy tituj për Kilin. Është krenaria më e madhe.”

/ Sport