Thellohet tragjedia/ Mbytja e superjahtit në Itali, gjenden edhe dy trupa të pajetë

Dy trupa janë gjetur në kërkim të të mbijetuarve të jahtit të mbytur Bayesian, sipas mediave italiane.

Nuk dihen ende identitetet e çiftit.

Anija u mbyt në orët e para të mëngjesit të së hënës pranë Palermos pas një stuhie të dhunshme.

Disa varka u panë duke u larguar nga porti i Porticello pak para orës 15:30 të ditës së sotme. Ata u drejtuan në vendin e fundosjes përpara se të dilnin raporte për marrjen e dy trupave.

Ata janë viktima e dytë dhe e tretë e mbytjes së anijes që gjenden. Trupi i kuzhinierit të superjahtit, Recaldo Thomas, u gjet pak pasi anija u mbyt.

Kjo do të thotë se ka ende katër persona të pagjetur nga 22 që ishin në bord në kohën e fundosjes së Bayesian.