Kryetari i DNC në SHBA: Harris siguron mjaftueshëm vota për nominimin presidencial

Zëvendëspresidentja Kamala Harris ka marrë mjaft vota nga delegatët demokratë për të fituar nominimin e partisë për presidente.

Sipas mediave të huaja, lajmin e njoftoi të premten kryetari i DNC-së (Komitetit Kombëtar Demokratik), Jaime Harrison.

Harris, e cila tha se do të pranojë zyrtarisht nominimin javën e ardhshme pasi thirrja virtuale të përfundojë të hënën, do të bëhet gruaja e parë me ngjyrë dhe e para aziatiko-amerikane që do të udhëheqë një parti të madhe.

“Jam e nderuar që jam kandidatja e supozuar demokrate për Presidente të Shteteve të Bashkuara,” tha Harris në thirrjen virtuale. “Do ta pranoj zyrtarisht nominimin tuaj javën e ardhshme, pasi të mbyllet periudha virtuale e votimit. Por tashmë jam e lumtur të di se kemi mjaft delegatë për të siguruar nominimin, dhe më vonë këtë muaj, do të mblidhemi në Çikago, të bashkuar si një parti, ku do të kemi një mundësi për të festuar këtë moment historik së bashku.”