Trump dhe Mbreti i Jordanisë do të mbajnë takim të tensionuar për të ardhmen e Gazës

Donald Trump takohet të martën me Mbretin Abdullah të Jordanisë për atë që ka të ngjarë të jetë një takim i tensionuar pas idesë së presidentit amerikan për rizhvillimin e Gazës dhe kërcënimit për të ndërprerë ndihmën për vendin arab aleat të ShBA-së nëse ai refuzon të rivendosë palestinezët.

Propozimi i Trump, i paraqitur një javë më parë, që ShBA-të të marrin përsipër Gazën, të zhvendosin banorët e saj të tronditur dhe ta transformojnë territorin e shkatërruar nga lufta në “Rivierën e Lindjes së Mesme” tërhoqi një përgjigje negative nga bota arabe.