Anëtari i stafit të kombëtares rrezikon 2 vite burg/ Skandali në Dortmund, gazeta BILD publikon detajet: 18- vjeçarja kontaktoi menjëherë policinë, por…

Thellohet skandali seksual me supervizorin e FSHF-së, i cili ka abuzuar seksualisht një punonjëse në hotelin ku kuqezinjtë qëndruan gjatë pjesëmarrjes së tyre në “EURO 2024”. Media gjermane “BILD” ka nxjerrë në pah të tjera detaje, ku bëhet e ditur se 18-vjeçarja ka lajmëruar policinë pas sulmit seksual nga 26-vjeçari më 23 qershor në orën 19:30.

Shkrimi i plotë i “BILD”:

Akuza të rënda pas eliminimit të kombëtares shqiptare nga “EURO 2024”: Një supervizor 26-vjeçar mësohet se ka pwrdhunuar një 18-vjeçare në hotelin akomodimit të kombëtares! Punonjësi i hotelit të shkollës sportive Kaiserau në Kamen ka lajmëruar policinë pas sulmit të 23 qershorit në orën 19:30.

Zëdhënësja e organit të akuzës u shpreh: “Duke qenë se nuk ka ende dyshime, një kërkesë për urdhër arresti nuk është paraqitur. Sipas ligjit gjerman, një përdhunues duhet të dënohet me dy vjet burg”. Aktualisht është e paqartë se si do të vazhdojë hetimi – ndoshta përmes një kërkese të ndërlikuar për ndihmë juridike.

Çështja e fajit tani duhet të sqarohet se në çfarë mase 26-vjeçari ishte në gjendje të njihte refuzimin e gruas së re. Mesa duket shqiptari i ka thënë që ta priste. Autori i dyshuar nuk është as lojtar dhe as zyrtar i rangut më të lartë.
“Kujdesi ndaj punonjëses dhe mbrojtja e të drejtave të saj personale kanë përparësinë kryesore”, tha një zëdhënëse e “SportCentrum Kaiserau”. Pasi u bë e ditur ngjarja, supervizori i FSHF-së u pezullua menjëherë nga Federata Shqiptare e Futbollit.

Ardhja e kombëtares shqiptare është festuar në Kaiserau. Qëndrimi ishte planifikuar për javë të tëra dhe të gjitha dëshirat organizative të të ftuarve u zbatuan në përputhje me rrethanat. Skuadra dhe kreu i FSHF-së, Armand Duka mbërritën më 8 qershor në Gjermani. Presidenti i Shoqatës së Futbollit dhe Atletikës së Westfalisë (FLVW), Manfred Schnieders, tha në atë kohë: “Ne të gjithë jemi shumë të lumtur që ju kemi këtu”.