E dija që mua do të më mbetej faji –

Klaus Gjasula ka rrëfyer ndjesitë që përjetoi në ndeshjen kundër Kroacisë, në të cilën ai ishte padyshim protagonist kryesor. Fillimisht shënoi autogol për t’i dhënë epërsinë kroatëve, ndërsa në minutën e fundit të ndeshjes, i dha pikën e vetme Shqipërisë me golin e tij. Mesfushori shqiptar ishte pjesë e panelit të emisionit “Kampionët” në “TV Klan”, ku tregoi se çfarë ndodhi me të në ato minuta lojë.

“Vdi.qa një herë dhe erdha prapë. Unë e dija që nuk kisha çfarë të bëja, por prapë në fund të fundit ty do të të ngeli (faji). Pas autogolit, erdhën ato 2-3 situata që humba topin lehtë. Vëllai pas ndeshjes më tha: ‘E pashë që s’ishe ti’”, ka treguar Klaus Gjasula./Halit Delibashi-Sport Ekspres/