E rëndë në Vlorë/ Ra në kontakt me rrymën elektrike, ndërron jetë 29-vjeçarja

Një 29-vjeçare në Vlorë ka ndërruar jetë pasi ka rënë aksidentalisht në kontakt me rrymën elektrike.

Ngjarja ka ndodhur në banesën e 29-vjeçares në lagjen “10 Korriku” të Vlorës. Grupi hetimor po punon për sqarimin e plotë të rrethanave të rastit.

Njoftimi i policisë:

Informacion paraprak | Sot, në lagjen “10 Korriku”, Vlorë, dyshohet se aksidentalisht ka rënë në kontakt me rrymën elektrike, në oborrin e banesës, shtetasja Xh. B., 29 vjeçe, e cila si pasojë ka humbur jetën. Grupi hetimor po punon për sqarimin e plotë të rrethanave të rastit.