A ka lënë Ismail Kadare një amanet? Flet botuesi i tij: S’kishte asnjë peng! Gjithçka donte të thoshte, i kemi në…

Botuesi i Ismail Kadaresë, Bujar Hudhri, konfirmoi sot se shkrimtari i madh i letrave shqipe nuk ka lënë ndonjë amanet specifik.

Sipas tij, gjithcka që ai donte t’i thoshte shqiptarëve gjendet në veprat e tij.

Hudhri u shpreh pëer mediat se “Kadare nuk pati asnjë peng. Ai iku i lumtur nga kjo botë pasi botoi veprën e plotë”.

Ai shtoi se të gjithë duhet të jemi të lumtur që një shkrimtar shqiptar e lexojmnë në gjuhën tonë dhe mbi 45 gjuhë të huaja.

Ismail Kadare u shua sot në moshën 88 vjecare nga një arrest kardiak në Tiranë.

Bujar Hudhri:

Nuk e kisha menduar një lajm të tillë, kam menduar që një shkrimtar i madh si Kadare nuk i përket kësaj bote, por një planeti paralel të letërsisë. Më trishton që Kadare më thoshte që shtëpia botuese është shtëpia e dytë e shkrimtarit dhe më shumë se kurrë i ndjej këto fjalë. Unë e kam ndjerë gjithmonë këtë raport timin, unë jam botuesi i tij.

Mendoj që ka ikur i lumtur, edhe pse nuk i shkon letërsisë së tij kjo fjalë. Ishte i lumtur që vjet Onufri nxori veprën e tij të plotë, që koicidonte 70 vjet me letërsinë e tij, në ato 7 vëllime herë 1000 faqe, jam i lumtur që kjo vepër madhështore u promovua në panairin e librit në Prishtinë. Ishte një atmosferë që Kadare u ndje shumë mirë.

Ka qenë i dobët fizikisht, kishte dëshirë të dilte, dilte me vështirësi. Dilte te kafja e tij e preferuar, me miqtë e tij. Ishte në Tiranë dhe kanë qenë orët e tij më të bukura në kafene duke biseduar dhe takuar njerëz.

Kadare është pjesë e thesarit botëror, mori çmimet më të larta, vlerësimi më i madh është që është në panteonen e letërsisë botërore. Një shkrimtar nuk ka lindje dhe vdekje, nuk ka një kufi kohor.

Homazhet janë marrë përsipër nga Kryeministri.

/a.r