Pse Rudiger, dhe jo Endricku, realizoi penalltinë e fundit për Realin? Ancelotti: Kur pashë fytyrën e tij…

Real Madrid arriti në çerekfinale të Ligës së Kampionëve pasi mposhti Atletico me penallti. Ndeshja në Metropolitano përfundoi në barazim pas kohës shtesë.

“Ishte një lojë e vështirë, dhe aq më tepër kur pranon brenda një minute. Pas kësaj ata u futën për t’u mbrojtur dhe kërkuan të na kapnin në kundërsulme”, tha Ancelotti.

Ancelotti vlerësoi ekipin e Atleticos: “Ishte një ndeshje e barabartë dhe Atletico është një nga më të mirët në botë në mbrojtje”, tha ai.

Trajneri i Madridit shpjegoi vendimet e tij të penalltisë: “Ne e nisëm me sulmuesin tonë më të mirë fillimisht, dhe më pas Rudiger doli i fundit sepse ai shënoi kundër Cityt. Nuk ishim të sigurt nëse do të shkonim me të apo me Endrick. Pashë fytyrën e Endrick dhe zgjodha Rudiger”, përfundoi Ancelotti.

/ Sport