Zgjedhjet europiane sjellin “viktimën” e parë në Spanjë, liderja e aleancës së majtë jep dorëheqjen
Rezultatet e zgjedhjeve europiane që u mbajtën këtë të diel duket se kanë sjellë “viktimën” e parë në Spanjë. Yolanda Diaz njoftoi të hënën e 10 qershorit se ka dhënë dorëheqjen nga drejtimi i aleancës së majtë, Sumar.
Gjithsesi ajo të vazhdojë detyrën e saj si ministre e punës në Spanjë dhe si një nga zëvendëskryeministrat e vendit.
“Kam vendosur të largohem nga pozicioni im si lidere e Sumar-it. Qytetarët kanë folur dhe unë do të marr përgjegjësinë”, u shpreh si fillim Diaz.
Më pas ajo shtoi: “Ndjej se nuk kam bërë gjërat që duhet të bëja. Unë besoj me një vendosmëri të madhe në forcën e politikës, në forcën e qeverisjes. Në të qenit një forcë që u jep lajme të mira atyre që kanë probleme”./m.j
#Zgjedhjet #europiane #sjellin #viktimën #parë #në #Spanjë #liderja #aleancës #së #majtë #jep #dorëheqjen
Java News
