Gjoshi: Kryeministri nëse do me shku në zgjedhje, me pa si del, është mirë me dhanë dorëheqje ose me sjell mocion në Kuvend!

Betim Gjoshi, sekretar për Anëtarësi dhe Financa në Partinë Demokratike të Kosovës (PDK) tha se partia që ai përfaqëson ka qenë e gatshme për të shkuar në zgjedhje.

Gjoshi për “Gazeta Blic” tha se të gjitha partitë e tjera i kanë ikur procesit zgjedhor.

Ai tutje potencoi se nëse Kurti dëshiron me shku në zgjedhje, për të parë sa do të votojnë votuesit e tij, është mirë me dhanë dorëheqje ose me sjell mocion në Kuvend.

“Ne si PDK kemi qenë e vetmja parti e gatshme për të shkuar në zgjedhje ndërsa krejt të tjerët i kanë ‘bishtnu’ procesit zgjedhor. Kryeministri nëse do me shku në zgjedhje për të parë sa do të votojnë votuesit e tij është mirë me dhanë dorëheqje ose me pru mocion në Kuvend, na e mbështesim dhe shkojmë në zgjedhje. Sovrani vendos” tha Gjoshi shkurt për “Gazeta Blic”.

Betim Gjoshi, PDK!

Kryeministri i vendit, Albin Kurti, ka folur ditë më parë për mundësinë e zgjedhjeve të reja që është diskutuar muajin e fundit në Kosovë.

Ai tha se prej momentit kur ka hyrë në vitin e fundit të mandatit të qeverisë, ka qenë i interesuar që të takohej me opozitën dhe ta diskutojnë muajin dhe stinën e zgjedhjeve.

Ndërsa, për sa i përket rezultateve të ardhshme zgjedhore, Kurti tha se VV-ja do të dalë edhe më mirë sesa në shkurtin e vitit 2021, ku i kishte marrë 50.2% të votave.

“Unë besoj që në zgjedhjet e ardhshme do të dalim edhe më të fortë se në ato që shkuan. Nuk e di se çfarë përqindjesh do të jenë, por do të dalim edhe më mirë sesa në shkurtin e vitit 2021”, tha Kurti raporton Gazeta Blic.

/Gazeta Blic/

Kurti: VV-ja në zgjedhjet e ardhshme do të dalë edhe më e fortë sesa në ato të 2021-ës