Juventusi negocion me sulmuesin anglez, Manchester United vendos çmimin

Pasi rilindi te Getafe, Mason Greenwood është shndërruar në objektiv merkatoje për shumë klube të mëdha europiane, teksa së fundi Juventusi po këmbëngul për të transferuar në Torino sulmuesin e talentuar anglez.

Thiago Motta e preferon shumë, teksa Giuntoli ka takuar edhe agjentët e tij, duke marrë një miratim paraprak për transferimin në Torino.

Megjithatë tashëm bardhezinjtë do të duhet të negociojnë me Manchester United, një mision ku aspak i lehtë, duke qenë se Greenwood kërkohet edhe nga klube të tjera.

“Djajtë e kuq” kanë vendosur një çmim prej 40 milionë eurosh për kartonin e anglezit, megjithatë pretendimet e tyre mund të ulen me kalimin e javëve, duke qenë se Greenwood ka kontratë deri në verën e 2025-ës dhe nuk duan ta humbin me parametra zero.