Triumf me tris, Shqipëria fiton miqësoren e fundit, tani përballja me Italinë

Kombëtarja Shqiptare ka triumfuar 3-1 dhe në ndeshjen e dytë miqësore ndaj Azerbajxhanit, përpara Europianit të Gjermanisë.

Kuqezinjtë treguan qëndrueshmëri dhe karakter në një takim që foli totalisht për ta dhe sytë e të gjithë shqiptarëve tashmë janë nga data 15 qershor, kur luhet dhe ndeshja e parë për Kombëtaren tonë përballë kampionëve në fuqi të Italisë.

Nedim Bajrami ishte ai që rihapi serinë e golave në minutën e 11 të takimit. Ndonëse ndeshja u shoqërua nga reshje shiu kuqezinjtë treguan grintë dhe dëshirë për të shënuar më shumë.

Ndërrimet e Sylvinho rezultuan të suksesshme me Manaj që rigjeti goli me kombëtaren në minutën e 81 pas 4 vitesh, teksa goli i tretë u shënuan nga Laçi 6 minuta më vonë.

Gurbanli ishte ai që realizoi golin e flamurit për Azerbajxhanin në minutën e 91.

Tashmë, Kombëtarja e ka mbyllur kapitullin e miqësoreve dhe pritet të udhëtojë drejt Gjermanisë.

/a.r

#Triumf #tris #Shqipëria #fiton #miqësoren #fundit #tani #përballja #Italinë
Java News