Berisha: Letra e Gërvallës është kopjim i politikës serbe të viteve të 90-ta

Ministrja e Punëve të Jashtme, Donika Gërvalla, ka njoftuar se Qeveria e Kosovës është duke përgatitur një draftstatut për Asociacionin, të cilin pritet ta dërgojë për shqyrtim në Gjykatën Kushtetuese deri në fund të majit.

Ish-zëvendësministri i Punëve të Jashtme, Anton Berisha, ka reaguar ndaj kësaj letre që i është drejtuar presidentit të Asamblesë Parlamentare të Këshillit të Evropës, Theodoros Rousopoulos.

Kjo letër, sipas Berishës, është një kopjim i politikës serbe të viteve të 90-ta.

“Politika e reagimit në momentin e fundit, duke dhënë zotime për veprime në të ardhmen, siç është letra e ministres se jashtme Gërvalla në drejtim të KiE, është një kopjim i turpshëm i politikës serbe të viteve të ‘90-ta,” ka shkruar Berisha.

“Politika e premtimeve mashtruese e Kurtit, Osmanit e Gërvallës është pranuar dhe funksionon brenda Kosovës, por është duke u refuzuar nga bota perëndimore, ky identifikim kosovar, që për fat të keq ka shtrirje më të gjerë politike e shoqërore, nuk është asgjë tjetër përveçse politikë tipike e botës lindore, që do të na sjellë dështime të reja dhe izolim nga bota e civilizuar.”