Inzaghi: Keqardhje për tifozët, Cagliari e meritoi pikën

Interi e mbylli në barazim 2-2 duelin ndaj Cagliari, por as Milani nuk fitoi dhe zikaltrit vijojnë të kryesojnë kampionatin me +14 pikë.

Dhe titulli mund të vijë javën e ardhshme në derby, gjithmonë nëse djemtë e Simone Inzaghit thyejnë skuadrën e Piolit.

“E dinim që po luanim ndaj një ekipi që ka ardhur në rritje. Cagliari zhvilloi një ndeshje të shkëlqyer, ata nuk u dorëzuan kurrë.

I vuajtëm kundërsulmet e tyre. Më vjen keq për tifozët që nuk fituam, por jemi shumë afër realizimit të një objektivi të madh“, theksoi Inzaghi.