Shtatë punonjës të ndihmave vriten në një sulm në Gaza, mes tyre edhe shtetas të huaj

Organizata e bamirësisë “World Central Kitchen” thotë se shtatë anëtarë të ekipit të saj u vranë nga një “një sulm ushtarak izraelit” në Gaza.

Organizata bamirëse e ushqimit tha në një deklaratë në faqen e saj të internetit se shtatë të vrarët ishin nga Australia, Polonia, Britania e Madhe, një shtetas i dyfishtë i SHBA-së dhe Kanadasë dhe nga Palestina.

Shefi ekzekutiv i World Central Kitchen, Erin Gore, tha se ekipi i tij “po udhëtonte në një zonë pa konflikt me dy makina të blinduara të markës së ËCK dhe një automjet “.

Pavarësisht koordinimit të lëvizjeve me IDF [Forcat e Mbrojtjes së Izraelit], autokolona u godit ndërsa po dilte nga magazina Deir al-Balah, ku ekipi kishte shkarkuar më shumë se 100 ton ndihma ushqimore humanitare të sjellë në Gaza në rrugën detare.

“Ky nuk është vetëm një sulm kundër ËCK, ky është një sulm ndaj organizatave humanitare që shfaqen në situatat më të rënda ku ushqimi përdoret si armë lufte. Kjo është e pafalshme”.

Forcat izraelite të mbrojtjes thanë se po kryenin një “shqyrtim të plotë” të asaj që ndodhi, shkruan The Guardian.

Qeveria e Mbretërisë së Bashkuar ka thënë më pas se ishte ‘shumë e shqetësuar’ për vrasjen e shtatë punonjësve të ndihmës në Gaza.

Një shtetas britanik ishte, sipas World Central Kitchen (WCK), në mesin e shtatë punonjësve të ndihmës të vrarë nga një sulm ajror izraelit në Gaza.

Një zëdhënës i Zyrës së Jashtme të Mbretërisë së Bashkuar tha të martën në mëngjes: “Ne jemi në dijeni të raporteve për vdekjen e një shtetasi britanik në Gaza dhe po kërkojmë urgjentisht informacione të mëtejshme”.

Sekretarja e arsimit, Gillian Keegan, i tha BBC-së se qeveria e Mbretërisë së Bashkuar ishte “shumë e shqetësuar” për raportet dhe se ishte “shqetësuese” që WCK kishte pezulluar punën e saj në Gaza.

“Nuk e kemi konfirmuar ende, por jemi shumë, shumë të shqetësuar nga situata. Ne e dimë se i kemi kërkuar Izraelit të bëjë më shumë për të mbrojtur civilët, por edhe për të lejuar që ndihma të hyjë në Gaza. Por ne ende nuk e kemi konfirmuar këtë dhe unë mendoj se IDF po e shqyrton këtë, ndoshta ndërsa flasim”.