Mjeku Alimehmeti jep alarmin: 9 vdekje nga kanceri çdo ditë në Shqipëri

Mjeku Ilir Alimehmeti, i ftuar në emisionin “Good Morning Albanians” në Euroneës Albania, u shpreh se në vendin tonë 9 persona humbin jetën nga kanceri.

Sipas tij, statistikat mund të jenë më të mëdha, pasi ka persona që nuk janë paraqitur në ambientet e spitalit.

“Në Shqipëri sipas të dhënave kemi 9 humbje jete në ditë nga kanceri. Nuk është diçka as e rrallë e as e çuditshme. Mund të ketë dhe të tjerë që nuk janë paraqitur në ambientet e spitalit”-tha ai.

Alimehmeti, foli dhe për pluhurin afrikan që përfshiu vendin tonë ditën e djeshme, duke thënë se ky fonomen është problem për ata që vuajnë nga zemra dhe nga astma.

/f.s