“Do të merret i pandehur për 21 janarin”/ Braho: Berisha bëri presion që dosja të mos kalonte në duart e SPAK-ut

“Ajo çështje nuk është vlerësuar me seriozitet. Është një turp për organet tona të drejtësisë edhe të atyre që ekzistonin para reformës në drejtësi. Berisha është 100% përgjegjës për ato vrasje, është pjesë e zinxhirit komandues që urdhëroi vrasjen e 21 janarit. Nëse doni një parashikim nga unë, Berisha do merret i pandehur dhe të përgjigjet penalisht për ato vrasje.

Pavarësisht pirueteve që bën, edhe e majta në këtë rast që nuk ka qenë aktive. Por edhe këmbënguljeve të Berishës për të bërë presion për të arritur tek ai fakt që çështja të mos i drejtohet për hetim SPAK-ut. Por SPAK-u është i detyruar të hetojë. Materiali është voluminoz, por mendoj se SPAK-u i ka të gjitha mundësitë për ta zbardhur ngjarjen”- tha mes të tjerash Braho./m.j