“Do të shpërthejë për dy orë”, alarm për bombë në Gjykatën e Selanikut

Policia e Selanikut mëngjesin e sotëm ka marrë thirrje për vendosjen e një mjeti shpërthyes në Gjykatën e Selanikut.

Sipas informacioneve, një person i panjohur ka telefonuar, pak pas orës 10:00, në radiostacionin e qytetit dhe ka raportuar se një bombë ishte vendosur në gjykatë dhe do të shpërthente pas dy orësh nëse ndërtesa nuk evakuohej.

Menjëherë u njoftua policia dhe në gjykatë mbërriti një ekip i Departamentit të Asgjësimit të Mjeteve Shpërthyese dhe një qen i trajnuar posaçërisht, të cilët kontrolluan ambientet por nuk konstatuan asgjë të dyshimtë.

Sipas medieve greke ndërtesa nuk është evakuuar.

/a.r