Prodhuesi gjerman i makinave i jep goditjen e fortë Rusisë, ja vendimi i madh që ka marrë Mercedes Benz

Prodhuesi gjerman i makinave Mercedes-Benz ka njoftuar se është tërhequr plotësisht nga tregu rus.

Aksionet e Mercedes-Benz në degët ruse i janë shitur në prill kompanisë ruse Avtodom, transmeton gjermani Tageschau.

Të mërkurën e kaluar, agjencia e lajmeve Reuters citoi regjistrin rus të kompanive, sipas të cilit Avtodom ka mbajtur 100 për qind të aksioneve në Mercedes-Benz Kapital Rus dhe Mercedes-Benz Manufacturing Rus që nga 18 prilli.

Në atë moment, nuk ishte ende e qartë nëse ishin marrë të gjitha miratimet e nevojshme zyrtare për largimin e kompanisë gjermane nga Rusia, sipas Tageschau.

Prodhuesi i famshëm gjerman i makinave ofroi një mundësi blerjeje kur shiste asetet e tij ruse në Avtodom.

“Ne kemi rënë dakord me klientin për një opsion që na lejon të blejmë aksionet e kompanisë, nëse hiqen sanksionet ruse”, njoftoi të mërkurën e kaluar DAKS Group, i cili përfshin gjithashtu Mercedes-Benz.

Klauzola e kthimit është bërë një opsion popullor për prodhuesit e automjeteve që largohen nga tregu rus.

Prodhuesit e tjerë të makinave, si Renault dhe Nissan, të cilët shitën bizneset e tyre ruse për shuma nominale vitin e kaluar, kanë klauzola të blerjes gjashtëvjeçare në marrëveshjet e tyre të blerjes.