Çfarë dihet nga rrëzimi i avionit me 181 persona në bord në Korenë e Jugut?

Përplasja e avionit në Korenë e Jugut është quajtur si fatkeqësia më vdekjeprurëse në historinë e aviacionit të Koresë së Jugut me një numër të lartë prej 179 viktimash deri më tani.

Raportohet se viktima më e re ishte një djalë tre vjeçar, sipas listës së pasagjerëve të parë nga mediat lokale, dhe esë nga të vrarët në aksident ishin fëmijë nën moshën 10 vjeç. Më i madhi ishte një burrë 78 vjeç.

Avioni Boeing 737-800 – Jeju Air fluturimi 7C2216 nga Bangkok , mbante 175 pasagjerë dhe gjashtë anëtarë të ekuipazhit.

Mediat lokale raportojnë se avioni ishte duke bërë një përpjekje të dytë për tu ulur pasi mjetet e saj të uljes nuk u hapën, raportojnë mediat lokale.

Dëshmitarët në terren raportuan se kishin dëgjuar një “shpërthim të fortë” dhe kishin parë shkëndija në motorin e avionit përpara se të rrëzohej.

Avioni doli nga një pistë në Aeroportin Ndërkombëtar të Muanit dhe u përplas me një mur, duke shpërthyer në flakë.

Zyrtarët thonë se disa zogj mund të kenë goditur një motor përpara përplasjes, raporton Agjencia e Lajmeve Yonhap.

Sipas ministrisë së transportit të Koresë së Jugut, kulla e kontrollit të aeroportit e paralajmëroi aeroplanin për goditjen e shpendëve dhe i dha leje pilotit të ulet në një zonë tjetër në normalitet.

Nga ana tjetër, dy anëtarët e ekuipazhit që u shpëtuan janë në spital.

“Nga një prej motorëve doli tymi dhe më pas shpërtheu”, tha zonja Ku, një stjuardesa në të 20-at, për agjencinë e lajmeve Yonhap.

Një tjetër stjuardese e mbijetuar, ka pësuar një frakturë në shpatullën e majtë dhe lëndime në kokë, sipas gazetës Aju Business Daily.