Zyrtare: Giorgio Chiellini vazhdon karrierën si trajner në SHBA, nuk kthehet në Itali

Mbrojtësi i pensionuar i Italisë, Giorgio Chiellini do të vazhdojë karrierën me LAFC si trajner i zhvillimit të lojtarëve, kështu që nuk do të kthehet në Juventus.

Këtë mbrëmje u njoftua se Chiellini do të qëndrojë në LAFC si trajner i zhvillimit të lojtarëve, duke punuar me trajnerin Steve Cherundolo dhe stafin, përcjell Sport.

“Ishim mirënjohës që Giorgio të luante 18 muajt e fundit të karrierës së tij si lojtar me LAFC,” tha bashkë-presidenti i LAFC dhe GM John Thorrington në faqen zyrtare të klubit.

“Gjatë asaj kohe ai dëshmoi se çfarë pasurie është për LAFC në një sërë mënyrash, dhe ne jemi të ngazëllyer për të shtuar një mendje vërtetë të shkëlqyer futbolli, një lider të jashtëzakonshëm dhe një person edhe më të mirë në stafin tonë për sezonin e ardhshëm”, thuhet në komunikatën e klubit.

📰 Legendary defender and former #LAFC player Giorgio Chiellini will remain with LAFC as a Player Development Coach.

🔗 https://t.co/qpgB2fP2so pic.twitter.com/FFNChsd6mL

— LAFC (@LAFC) January 16, 2024

/ Sport/