Ancelotti pret që pesë lojtarë të kthehen për Superkupën e Spanjës

Real Madridi do të rikthehet në aksion vetëm në vitin 2024, më 3 janar kundër Mallorca-s për La Liga, por skuadra e Real Madrid tashmë i ka vënë sytë te Superkupa e Spanjës, e cila do të zhvillohet mes 10 dhe 14 janarit, në Arabinë Saudite, atje ku do të përballet me Atlético Madrid në gjysmëfinale, në datën 10.

Lajmi i mirë për skuadrën e Carlo Ancelottit është se, sipas gazetës spanjolle Marca , pesë lojtarë do të shërohen nga lëndimet në kohë për të sfiduar trofeun e parë të sezonit. Ata janë: Eduardo Camavinga , Arda Guler , Ferland Mendy , Daniel Carvajal dhe Vinícius Júnior, përcjell Sport.

Me këto rikthime, tek Real Madrid do të mungojnë vetëm Thibaut Courtois , Eder Militão dhe David Alaba , të cilët përballen me rikuperime më të gjata nga lëndimet e tyre përkatëse.

Përveç Real Madrid-Atlético Madrid, gjysmëfinalja tjetër e Superkupës së Spanjës do të luhet mes Barcelonës dhe Osasuna , më 11 janar.

/ Sport/