Lideri i Hamasit arrin në Kajro për bisedime mbi luftën në Gaza

Udhëheqësi i lartë i Hamasit mbërriti në Kajro të mërkurën për bisedime mbi luftën në Gaza, tha grupi militant në një deklaratë.

Vizita e Ismail Haniyeh erdhi një ditë pasi Hamasi lëshoi raketa që ndezën sirenat e sulmit ajror në Izraelin qendror, një shfaqje fuqie pas më shumë se 10 javësh bombardimesh izraelite dhe luftime të ashpra urbane që kanë shkatërruar pjesën më të madhe të Gazës veriore, raporton Associated Press.

Izraeli i ka bërë thirrje pjesës tjetër të botës të vendosë Hamasin në listën e zezë si një organizatë terroriste dhe është zotuar se do t’i shënjestërojë liderët e Hamasit kudo që të jenë në përgjigje të sulmit të grupit të 7 tetorit në Izraelin jugor, i cili shkaktoi luftën, transmeton Klankosova.tv.